ಕನಸು

ನನ್ನೆದೆಯ ಕನಸು

ಮಾಡಲು ಹೊರಟಿದ್ದೆ ನಾನದ ನನಸು

ಅವಳ ನೆನಪಿನ ಚಿತ್ತಾರ

ನನ್ನ ಮನದಂಗಳದಲ್ಲಿ ಹೊಸೆಯುತ್ತಿತ್ತು ಹೂದಾರ

ಆವಳ ನಡೆಯೋ ಹರಿಣದಂತೆ

ಅವಳ ಜಡೆಯೋ ನಾಗನಂತೆ

ಅವಳ ಮೈ ದಂತದಲ್ಲಿ ಕಡೆದಿಟ್ಟ ಶಿಲ್ಪ

ನೆನೆಸಿಕೊಂಡರೆ ಮೈಮನದಲ್ಲಿ ಆಗುತಿತ್ತು ಸಂಚಲನ ಅಪರೂಪ

ಇಂದು ಕೇಳೆ ಬಿಡುವೆನು ಅವಳ ಕರವನ್ನ

ಒಪ್ಪಿಕೊಳ್ಳುತ್ತಾಳೆ ಎಂಬೀ ದೃಢ ಮನ

ಏಕೆಂದರೆ ಅವಳು ಯಾವಗಲೂ ಎಸೆಯುತಿದ್ದಳಲ್ಲ ನನ್ನೆಡೆ ಹೂನಗೆಯೊಂದನ್ನ

ಅದು ತಲುಪಿಸುತಿತ್ತು ಬೇರೊಂದು ಲೋಕವನ್ನ

ಏನೆನೋ ಕನಸು ಕಂಡ ನಾನು ಅವಳ ’ಇಲ್ಲ’ ಜೀರ್ಣಿಸಿಕೊಳ್ಳಲ್ಲೇ ಇಲ್ಲ

ಮಾಡಿತ್ತಲ್ಲ ತಿರುಗದ ಹಾಗೆ ಬೇರೆಯವರ ಎದುರು ಉಬ್ಬಿದ ತಲೆ ಗಲ್ಲ

ಆದರೇನಂತೆ ನಾನು ಛಲ ಬಿಡದ ಸರದಾರ

ಪೋಣಿಸುವೆನು ಇನ್ನೊಂದು ಸುಂದರ ಕನಸಿನ ಹಂದರ

                        -ಶಿಲ್ಪ ಶಾಸ್ತ್ರಿ